टीकापुर/कैलालीको टीकापुर नगरपालिका वडा नं. ८ रातिकाे समय डिजे लगायतका सबैखाले बाजा बजाउन नपाउने भएको छ ।
शुक्रबार राति चक्कु प्रहार गरि हत्या गरिएको स्थानमा स्थानीय बासिन्दाहरुलाइ सम्बाेधन गर्नुहुदै टीकापुर ८ का वडा अध्यक्ष दिर्घ बहादुर ठकुल्लाले डिजे लगायतका सबै खाले बाजा रातिकाे समय बजाउन नपाइने उद्घघाेष गर्नुभएको छ ।
पछिल्लो समय रातिकाे समयमा विवाह,जन्मदिन लगायत विभिन्न उत्सवमा रमाइलोकाे नामा गरिने कार्यक्रममा विभिन्न खाले अपराधिक घटनाहरु घट्न थालेपछि डिजे बाजा बजाउन राेक लगाउन लागेको वडा अध्यक्ष ठकुल्लाले बताउनुभयो ।
वडा अध्यक्ष ठकुल्लाले सर्वदलीय, सर्वपक्षीय लगायत सराेकारवालाहरुकाे बैठकबाट निर्णय गरि रातिको समयमा डिजे लगायतका बाजा बजाउन राेक लगाइने बताउनुभयो ।
रातिकाे समय डिजे बजाएर रमाइलो गर्ने अवस्थामा शुक्रबार राति मात्र टीकापुर नगरपालीका वडा नं. ८ कालीमाटी बस्ने लोक बहादुर साउदको १८ वर्षको छाेरा अनुप साउदकाे चक्कु प्रहार गरि हत्या गरिएकाे घटनले स्थानीय समेत त्रसित बनेका छन् । त्यसैले पनि रातिकाे समय गरिने सबैखाले कार्यक्रमहरुमा राेक लगाउन जरुरि छ ।
