टीकापुर/सत्ता साझेदार पार्टीले स्थानीय निर्वाचनमा गठबन्धन गरेर जाने निर्णय गरे संगै स्थानीय स्तरमा नै खैलाभैला सुरु भएको छ । गठबन्धन भए पार्टीका कार्यकर्तामा एक किसिमको वितृष्णा उत्पन्न हुन सक्ने भन्दै गठबन्धनको बिराेध हुन थालेको छ ।
यसै क्रममा टीकापुर नगरपालिका वडा नं. ८ मा नेपाली काङ्ग्रेस वडा कार्य समितिले वडा नं. ८ मा गठबन्धन नगर्न अनुराेध पत्र बुझाएको छ । बैषाख ३ गते शनिबार वडा सभापति टीकाराम चाैधरीकाे हस्ताक्षर भएको पत्र टीकापुर नगर कार्य समितिलाई पठाएको छ ।
पत्रमा टीकापुर ८ मा अरु पार्टी भन्दा नेपाली काङ्ग्रेस तुलनात्मक रुपमा बलियो भएकाले स्थानीय निर्वाचनमा एक्लै काङ्ग्रेसको उमेदवारकाे जित सुनिश्चित भएकोले गठबन्धन नगरेर जान अनुराेध गरिएको छ । पत्रमा भनिएको छ पार्टी कार्यकर्ताकाे मर्म र इच्छा विपरीत गठबन्धन गरे मनाेवल खस्किनुका साथै पार्टी कम्जाेर हुने भएकाले वडामा गठबन्धन नगरि दिनहुन पार्टीलाई आग्रह गरिएको छ ।
वडा कार्य समितिले नगर कार्य समितिलाई लेखेकाे पत्रकाे बाेधार्थ क्षेत्रीय कार्य समिति, प्रदेश कार्य समिति र जिल्ला कार्य समितिलाई समेत पठाएको छ ।
पछिल्लो पटक गठबन्धनको हल्ला चलिरहदा स्थानीय स्तरमा नेता तथा कार्य कर्तामा एक किसिमको वितृष्णा उत्पन्न भएको छ भने गठबन्धनका विरुद्धमा मतदान गर्ने खालका स्थानीय स्तरमा चर्चा परिचर्चा भएको पाइन्छ ।
