जमुना न्युरे/नेपाली जनसम्पर्क समिति दक्षिण भारत क्षेत्रीय कार्यालयद्वारा आज नेपाली काँग्रेस सुदूरपश्चिम प्रदेश कार्यसमिति सदस्य एवं भाषा साहित्य कला संस्कृति बिभाग प्रमुख युवा नेता सुरत रावत ( डोटेली कान्छा) लाई स्वागत तथा अभिनन्दन कार्यक्रम गरेको छ ।
एकहप्ताका लागि भारत पुग्नु भएका युवा नेता रावतलाई आज एक कार्यक्रमका बिच नेपाली जनसम्पर्क समिति दक्षिण भारतका महासचिवले दोसल्ला ओडाई स्वागत सम्मान अभिनन्दन गर्नु भएको थियो । नेपाली जनसम्पर्क समिति दक्षिण भारतका क्षेत्रीय महासचिव माधबराज खडायतको सभापतित्वमा भएको कार्यक्रमको प्रमुख आतिथि नेपाली काँग्रेस सुदूरपश्चिम प्रदेश कार्यसमिति सदस्य सुरत रावत ( डोटेली कान्छा) रहनु भएको थियो भने कार्यक्रमको विशिष्ट अतिथि नेपाली जनसम्पर्क समितिका क्षेत्रीय सदस्य दिबश शाही रहनु भएको थियो । कार्यक्रमको सञ्चालन जनसम्पर्क समिति सदस्य हरिश शाहीले गर्नु भएको थियो ।
