धनगढी/कैलाली निर्वाचन क्षेत्र नं. ५ बाट स्वतन्त्र उम्मेदवारी दिएका प्यारेलाल रानाले आफ्नो चुनावी घोषणापत्र ल्याएका छन् ।
आगामी फागुन २१ गते हुने प्रतिनिधी सभा सदस्य निर्वाचन अन्तरगत उम्मेदवारी दिएका रानाले चुनावी घोषणापत्र ल्याएका हुन् ।
रानाको घोषणापत्रको पुरा विवरण
दृष्टिकोण
सर्र्वोेपरी संविधानमा आधारित स्वतन्त्र न्यायपालिका स्वतन्त्र प्रेस, सुशासित आत्मनिर्भर स्वाभिमानका लागि वैदेशिक ऋण मुक्त नेपालको भ्रष्टाचारमुक्त पारदर्शी शासन व्यवस्था, समावेशी सद्भावपुर्ण समृद्ध समाज ।
नमस्कार, राम राम !
आदरणीय सम्पूर्ण जनसमुदाय देशमा जेन्जी आन्दोलन पश्चात अकल्पनीय दुर्घटनाबाट राजनैतिक निकासको महत्वपूर्ण पक्ष लोकतान्त्रिक माध्यमबाट दीर्घकालीन समाधानको रूपमा मध्यावधि निर्वाचन घोषणा गरिएको छ । सम्पूर्ण राजनैतिक शक्तिहरु चुनावमा होमिएको अवस्था छ । चरम बेतिथी, भ्रष्टाचार, बेरोजगारी, निहित स्वार्थ लक्षित गठबन्धन, आफन्तवाद, राज्य संयन्त्रहरुमा दलीय भागबण्डा र दलीयकरण जस्ता थुप्रै राजनैतिक बितृष्णाको कारण यो अवस्था आएको हामीले स्पष्ट बुझेका छौं । उनै पुरानै नेतृत्व, पुरानै मनोविज्ञान र पुरानै व्यवस्थामा पुरानै दलको पुरानै प्रवृति रहेसम्म यो भन्दा ठूलो अकल्पनीय दुर्घटना नहोला भन्न सकिन्न । दलका नेतृत्वहरु आफ्नो दलीय विचार सिद्धांत त्यागेर र व्यक्तिगत स्वार्थमा रातारात हुने ठगबन्धनलाई रास्ट्रहीत भन्दा बढी महत्व दिनुको परिणाम सबैले झेल्नुपरेको तितो यथार्थ हो । यस्तो अवस्थामा सर्वोपरी संविधान, स्वतन्त्र न्यायपालिका, प्रेस स्वतन्त्रताका साथै संविधानले निर्दिष्ट गरेको कानुनी राज्य व्यवस्था, लोकतन्त्र, समावेशिता र सद्भाव, पारदर्शिता, सुशासन र सामाजिक न्यायमा विश्वास गर्ने नागरिकहरूको अगुवाई गर्दै यस चुनावमा कैलाली क्षेत्र नं ५ का स्वतन्त्र उमेदवार एवं संविधान सभा सदस्य प्यारेलाल रानाको तर्फबाट यो चुनावी घोषणा पत्र सार्वजनिक गर्दछु ।
१) जनताको आधारभूत आवश्यकता सुनिश्चित गर्न कुनै कसर बाँकी राखिने छैन ।
२) पारदर्शी र भ्रष्टाचारमुक्त शासन व्यवस्था स्थापनामा मुख्य जोड ।
३) कृषि उत्पादन र मल सिँचाइको व्यवस्थापनमा विशेष जोड ।
४) कृषि उत्पादनको उचित मुल्यांकन र बजार प्रबद्र्धन ।
५) फाप्ला अन्तर्राष्ट्रिय क्रिकेट मैदान निर्माणमा विशेष दवाव ।
६) सुदूरपश्चिम प्रदेशको पहिचान स्वभिमान र साँस्कृतिक पर्यटन विकासका लागि साझा साँस्कृतिक मञ्चलाई संस्थागत गरी संघीय सरकारको नियमित योजनामा समेट्ने ।
७) भौतिक विकास सँगै मानवीय बेतिथी, कुलत, बेरोजगारी, सामाजिक विकृति जस्ता कुरालाई मानवीय विकास कार्यक्रम सञ्चालन गरी समृद्धि र समुन्नत समाजको आधार तयार गर्ने ।
८) टीकापुर घटना विशुद्ध राजनीतिक घटना थियो । तर राज्यले आपराधिक घटनाको रुपमा लिएकोले सो घटनाको छानविन गर्न बनेको लाल आयोगको प्रतिबेदन सार्वजनिक गर्दै न्यायोचित तरिकाले दीर्घकालीन सामाधानको लागि पहल गर्ने ।
९) सामाजिक न्याय र समावेशितालाई विशेष जोड दिइ महिला, दलित, आदिवासी, जनजाति, थारु, रानाथारु, मुस्लिम, खस–आर्य, गरिब, पिछडिएका वर्ग, अपाङ्गता भएका व्यक्तिलगायत सम्पूर्णको कानुनी अधिकार संरक्षण र व्यवहारिक बनाउन पहल गरिनेछ ।
१०) गुणस्तरीय, निःशुल्क आधारभूत र रोजगारमुखी प्राविधिक तथा सीपमूलक शिक्षामा जोड ।
११) हाल भैरहेको कागजी प्रक्रिया पु¥याइ पहुँचवालालाई अनुदान, बितरण जस्ता सरकारी सहुलियतलाई वास्तविक किसान, गरिब पहिचान गरी सहुलियतलाई प्रभावकारी बनाउने ।
१२) सरकारी अस्पताल तथा स्वाथ्य केन्द्रलाई सुविधाजनक र सहज बनाउने ।
१३) सत्ताको लागि भैरहने अनैतिक गठबन्धन/दलीयकरणलाई संविधान संशोधनमार्फत स्थायित्व एवं दिगो समाधान र लोकतान्त्रिक माध्यमबाट राष्ट्रको स्वभिमान र समृद्धिको आधार तयार गर्ने ।
१४) विकासका निम्ति स्थानीय जनताको गुनासो, सुझाव, सम्पर्क, समन्वय सम्पर्क बढाउन स्थानीय प्रतिनिधि सम्पर्क व्यक्ति खटाइने छ र समयानुकूल स्वयं उपस्थित भै जनगुनासो नियमित सुन्ने छु । साथै मुक्त कमैया र सुकुमवासीहरुको समस्या समाधानको लागि पहल कदमी चालिनेछ ।
अन्तमा पुनः दोहो¥याउन चाहन्छु, निर्वाचित भए पश्चात्
इमानदार, पारदर्शी र उत्तरदायी रूपमा जनसेवा गर्नेछु । त्यसका लागि मेरो चुनाव चिन्ह “बाँसको मुढा”मा भोट गरी अत्यधिक बहुमतले विजयी गराउनुहुनेछ भनी पूर्ण विश्वास लिएको छु ।
यी उपरोक्त बुँदा सहितको घोषणा पत्र केवल कागजमा सीमित नहुने, व्यवहारमा उतारिने प्रतिवद्धता हो । म जनताको विश्वास र साथसाथै जिम्मेवारीका साथ अघि बढ्नेछु ।
प्यारेलाल राना
प्रतिनिधि सभा सदस्य पदका स्वतन्त्र उम्मेदवार
कैलाली निवार्चन क्षेत्र नं ५
