ओझेलमा नायल ताल 

शेयेर गर्नुहोस

धनगढी/चुरे पर्वतको टाकुरामा रहेको प्राचीन नायल ताल प्रचारप्रसारको अभावमा ओझेलमा परेको छ । कैलालीको गोदावरी नगरपालिका वडा नम्बर-१२ मा रहेको नायल तालले पर्यटनको अथाह सम्भावना बोकेको भए पनि यसको संरक्षण, प्रवर्द्धन र प्रचारप्रसारको अभावमा गुमनाम जस्तै बनेको हो । 

पूर्वपश्चिम महेन्द्र राजमार्गबाट करिब १ घण्टाको सवारी यात्रामा पुग्न सकिने नायल तालले प्रदेशकै पर्यटनको सम्भावना बोकेको छ । चुरे पहाडको चुचुरोमा करिब ३ हेक्टर क्षेत्रफलमा फैलिएको सम्भवतः यो देशकै एक मात्र ताल हो । चारैतिर पहाड र हरियाली, ढकमक्क लालीगुराँस, चराको चिरबिर ध्वनि र शान्त एकान्त मनोरम दृश्य यो तालको विशेषता हो । 

यो तालको प्रवर्द्धन गरि पर्यटन विकास गर्ने सके यो क्षेत्र मात्र नभई प्रदेशकै विकासमा सघाउ पुग्ने देखिन्छ । सरकारले यस तर्फ ध्यान दिन सके रोजगार सृजना, उत्पादन खपत तथा जडीबुटी निर्यातमा समेत सहज हुने अवस्था छ । 

“ताल राम्रो छ । आन्तरिक पर्यटन कहिले काहीँ आउनु पनि हुन्छ तर तालको संरक्षण हुन सकेको छैन । डाँडाबाट आउने पानीले ताल पुरिने जोखिम छ । यसका लागि नाला निर्माण, आरसिसी सहितको बाध निर्माण र सडकको स्तर उन्नति मात्रै हुने हो भने यो ठाउँको मुहार फेरिने थियो ।” स्थानीय हरिदत्त जोशीले भने । 

असम्भव जस्तै लाग्ने चुरेको टाकुरामा ३ हेक्टर क्षेत्रफलमा फैलिएको ताल जोकोहीका लागि नयाँ त लाग्छ नै स्थानीयका अनुसार यस क्षेत्रमा रहेको दैविक शक्तिका कारण पनि प्रख्यात हुने र धार्मिक पर्यटकहरू बढ्न सक्ने अर्को सम्भावना समेत देखिन्छ । जानकारहरूका अनुसार यस क्षेत्रमा घण्टेश्वर, दोगटी, नन्नै र मसानी देवताहरूको बास छ । शुद्ध मनले भाकल गरे मनोकाङ्क्षा पूरा हुने धार्मिक विश्वास समेत रहेको छ ।

Leave a Reply

Your email address will not be published. Required fields are marked *

सम्बन्धितखवर

छुटाउनु भयो कि !

खेलकुद

धनगढी क्रिकेट एकेडेमीले कैलाली मल्टिपल क्याम्पसलाई ४३ रनले पराजित

आजको पहिलो खेलमा धनगढी क्रिकेट एकेडेमीले कैलाली मल्टिपल क्याम्पसलाई ४३ रनले पराजित गर्दै प्रतियोगिताको विजयी सुरुवात गर्यो।  फाप्ला क्रिकेट मैदानमा निर्धारित १५ ओभरमा १२५ रनको

अझै पढ्नुहोस्
Highlights

कृष्णपुरमा निशुल्क आँखा शिविर सम्पन्न, पाँच हजार ७ जनाले लिए सेवा

जमुना न्युरे ,गुलरिया/कृष्णपुर नगरपालिकाको आयोजना र धनगढी नेत्रालयको प्राविधिक सहयोगमा संचालन भएको निशुल्क आँखा शिविर मंगलबार सम्पन्न भएको छ । पौष १ गते वडा न.१

अझै पढ्नुहोस्
समाचार

सुरक्षित स्थानमा जान र सजक रहन टीकापुर नगरपालिकाकाे आग्रह

टीकापुर / टीकापुर नगरपालिका वडा न.‌ ५ शाहीपुर स्थित कर्णाली नदीको तटबन्ध भत्काएर नदि गाउँ पसेकाे छ । टीकापुर नगरपालिकाले सुचना जारि गरि दक्षिणी भेगका

अझै पढ्नुहोस्
Highlights

टीकापुर घटनामा मारिएका बालक टेक बहादुरको सालीक स्थापना

कैलालीस्थित टीकापुर घटनाको आठ वर्ष पूरा भएको छ। जिल्लाको टीकापुरमा थरुहट–थारुवार आन्दोलनका क्रममा भएको हिँसात्मक घटनाको आठ वर्ष पूरा भएको हो। २०७२ भदौ ७ गते

अझै पढ्नुहोस्