जमुना न्युरे,सुखड /कैलालीको घोडाघोडी नगरपालिका–४ रामपुर बाट अवैध काठ तस्कर गर्ने विरुद्ध सब डिभिजन वन कार्यालय सुखडमा जाहेरी दर्ता भएको छ । सोही ठाउँका ४ जना विरुद्ध सब डिभिजन वन कार्यालय सुखडमा जाहेरी दर्ता भएको बताईएको छ ।
अन्दाजी ३४ वर्षका मङ्गल चौधरी, ३९ वर्षका उमेश चौधरी, ४० वर्षका रामदुलार चौधरी र बाँके जिल्ला घर भएका २८ वर्षका दीपेश चमार विरुद्ध जाहेरी दर्ता भएको सब डिभिजन वन कार्यालय सुखडका प्रमुख नितेश भट्टराईले जानकारी दिए । अदालत बाट पक्राउ पुर्जी लिएर उनीहरूलाई पक्राउ गरिने उनले बताए । जाहेरी दर्ता गराउनेको नाम गोप्य राखिएको सब डिभिजन वन कार्यालय सुखडले जनाएको छ ।
सोमबार रामपुर बाट ट्याक्टर सहित दश गोलिया सालको अवैध काठ बरामद गरीएको थियो । विशेष सूचनाको आधारमा सब डिभिजन वन कार्यालय सुखडको टोलीले ट्याक्टर सहित दश गोलिया सालको काठ बरामद गरेको हो । से १ त ५०७५ नम्बरको ट्याक्टरमा दश गोलिया सालको काठ लोड गरेको अवस्थामा दहित फर्निचर उद्योग बाट ट्याक्टर सहित काठ बरामद गरीएको थियो
